業之路無可能一航風順,尤其是賣情趣用品這類冷門貨品。一開始做網上生意,要處理的問題相對簡單,Picco負責寫網頁,Vera就負責設計,各施各法。開店時要面對的問題就複雜得多了,店內裝潢及傢俬是他們周圍尋寶以及一手一腳砌出來,但其他外在因素就要花時間去周旋。

困難一:好激氣的物流公司

Picco指,「申請物流公司戶口申請唔到囉!有次有件貨品要運送去澳門,物流公司派人上門收貨,都唔係咩玩具,只是個陰道健身球,佢入到黎店舖(見到賣情趣用品),講咗好耐,嗌大交咁滯,強調係色情、猥褻嘅,唔可以送去澳門。」速遞員唔肯送貨都算,最搞笑係,轉個頭佢竟然問「有冇咩可以介紹下,有個朋友就黎生日喎!」激到Vera紮紮跳,「呢啲野係色情,唔啱你!」

困難二:業主以為搞黃色場所除了物流公司難搞,開分店時亦曾遇上固執業主。

「試過係中環睇中個舖位,經紀好坦白咁講俾業主聽係賣情趣用品,業主覺得係黃色事業,死都唔肯租俾我地。」Picco表示。不少上了年紀的業主都覺得,賣情趣用品同邪骨一樣唔正經,會影響舖頭價值,會有好多不良人等聚集,搞到幢大廈人流複雜,所以一聽到是賣情趣用品就不聽解釋不肯租。

困難三:也許請人很難

現時Sally CoCo已經有三間分店,當初招聘員工時亦遇到不少問題。「有試過喺JobsDB請人,但係唔太啱囉!可能我地要求高。」Vera表示,店員不是一個純粹收錢的角色,亦唔係計較員工的學歷,但要要對性教育有熱誠,願意聽日傾計同溝通。現時他們用自己方式去請人,例如在facebook登廣告,或者在一些性教育相關的活動上找人選。雖然當中仍有不少人帶獵奇心態求職,Picco話收過求職信上面寫住「我有興趣了解下呢個行業,因為對我藝術工作可能有幫助。」真係唔知佢想點。現時店內員工個個都周身刀,對於性、內衣、甚至女性文化等知識,分分鐘仲叻過佢兩公婆。

記者:張紫茵、林幗欣

原文:http://hk.apple.nextmedia.com/realtime/finance/20160815/55498210