Yo又係我 Bobo ! 上集講到女仔想溝女仔嘅一啲要點,講左幾個常見問題:「我點樣知道個女仔對我有冇興趣?」、「我鐘意左個TB,我係唔係一個lesbian?」、「女仔同女仔一齊咗幾耐先會啪啪啪?係咪好少可會啪啪啪?」大家未睇過又或者想重溫嘅記得click入呢度睇返啦。事不宜遲,即刻進入下集!

4.Er…咁…. 我未同女仔訓過…唔識做。咁點算?

Ok~ok~輕鬆嘅。

小姐妳嘅性別係乜?女。

你對象嘅性別係乜?女。

你哋嘅生理結構基本上係大同小異嘅。你知道點樣取悅自己你就知道點樣取悅佢。我大力建議你試下自慰。想當年,我同我第一個女朋友大家都係第一次同女仔一齊。然後我哋一齊係 youtube 搵 How to find the G spot,然後各自伸手入去生命起源入面搵自己嗰個G點,然後一齊驚呼「啊!我搵到啦!」,然後自此之後我哋性生活質素大大提升。所以話,如果你鍾意嘅係同性,了解自己身體結構好重要。(唯一無得同自己練習係oral sex咖姐。)

另一方面女女嘅性愛同男男或者男女有一啲分別。男仔去做抽插依個動作嘅時候呢,有一半係為咗自己滿足。但女仔隻手仔/件玩具唔會好似JJ咁有高潮架嘛,所以當一個女仔去進入另一個女仔嘅時候,係希望令對方達到生理上嘅滿足,做嘅呢啲動作都係為咗令對方身體享受,從而自己得到心理上嘅滿足。

所以我相信如果你係錫依個女仔,你主動啲,溫柔的,前戲做多啲多啲多啲,咁無論有冇高潮,個過程都會好令人享受。但當然,每個人鐘意嘅嘢唔一樣,咩動作都試下,每次都做下賽後檢討,女仔對性愛基本上都好有耐性嘅,久而久之了解咗大家嘅身體之後就大家都開心啦!

5.係公眾場所應該點樣相處?

好多情侶都會係街拖下手仔,攬下錫下。攣Couple當然都一樣會,但係會唔會引嚟好多異樣目光呢?

其實女仔朋友之間有比較親密嘅身體語言其實好常見,基本上就算同朋友出街都會繞吓手,搭下膊頭,不過去到攬攬錫錫嘅地步嘅話呢,人哋望下都好合理。佢唔一定出於惡意,可能佢係心心眼緊你,或者葡萄緊你,更有可能佢只係咁啱望到依個方向。其實見到異性戀情侶有親密嘅行為的人都會唔小心望咗下,並無特別意思,只係你自己心理上仍然覺得自己係小眾先會好似好心虛咁。

 但係,如果你自問真係無辦法係街度好似情侶咁同你 partner 相處嘅話我建議你一早同佢講定先。唔好係街佢錫埋嚟嘅時候避開,或者俾佢拖但突然 fing 開佢隻手仔,有啲比較敏感嘅人可能會為此感到非常受傷,好似你都唔認可佢咁。我嘅做法係平時街上面嘅人 I won’t give a fuck , 鍾意望就望飽佢啦,係咪無係 pornhub 以外見過咁 hot 嘅 lesbian couple 呢 <3?不過如果係同 baby 去一啲比較容易撞到啲耶X姨媽姑姐嘅地區我就會講定先。「BB 我姑媽住依條街我唔拖你住啦:)」

最重要都係果樣嘢啦啦啦:溝通!

1491394146_f434

6.我有啲懷疑自己性取向,如果我想試下同女仔一齊,點樣可以容易啲搵到對象呢?

睇戲會見到啲迷途小羔羊唔小心撞入咗間 gay bar/ lesbian bar ,然後就會有個風趣幽默魅力逼人嘅對象,自動獻身然後一段可歌可泣嘅愛情故事開展。但係!現實生活係唔會比你咁輕易相遇嘅(可能好偶爾會發生嘅)有興趣的話 google 下會搵到啲 gay bar/ lesbian bar/party 嘅位置㗎。

比較怕醜豬/唔飲酒/早睡早起嘅囡囡們其實 lesbain 都有啲類似 tinder 嘅東西嘅。你去 apps store search 「lesbian」 會見到好多。個人嚟講覺得 her 最高質。(有發現更好嘅麻煩通知我呀wakaka謝謝兄弟姐妹們)

Hmmm 唔知有冇解答到你嘅疑問呢? 依個係收集各方意見之後得出嘅六條問題,如果仲有咩想問或者想知,都歡迎問我哋㗎!