【Vera 有話兒】

工作上,Emily 喺一個好為客人著想嘅 Intimate Stylist,以客人嘅角度出發提出好多貼心嘅改善方案。呢三年間嘅例子簡直多不勝數,其中一個最偉大嘅發明就喺安全套大全!當客人嚟到鋪頭購買安全套時,Stylist 就可以快速地跟據客人嘅要求,在安全套大全上搵到大細同質料適合嘅安全套!

Emily 除咗喺尖沙咀店嘅台柱之外,佢兼顧客服嘅工作。佢每一個回覆都喺本著性教育嘅角度出發普度眾生的!就係我打緊呢篇文時,咁啱收到熟客 send 來讚揚 Emily 嘅好評:「店員仲非常有心裝載(點名讚揚Emily)因為每次我去,佢都記得我以前買過既嘢,更記得我既偏愛。我亦有去過其他性商店,但係從來感受唔到冇呢份誠懇,親切同專業。」呢個好評勝過我嘅千言萬語,簡單兩句就將我平日見到嘅 Emily 刻劃出來。

私底下 Emily 亦係一個好有同理心嘅人,見到社會上不公義事件發生都會感到憤慨,有時更會為弱勢社群心痛得流淚,好想為佢哋做更多嘅事。同事結婚佢亦親自訂造一對公仔做禮物,晨早起身出市區幫手拎花球就係為咗同事可以影張靚相。成日都話香港人好冷漠,但我身邊卻有一個對朋友同事客人陌生人都將心比己充滿熱愛和義氣嘅女生提醒我:凡事唔係絕對嘅~

_
【WHO ARE YOU?】

好直接好爽快,一心想做好性教育的 Melody(小編按:因為 Emily 心入面好鍾意 Melody 呢隻公仔,所以自稱Melody💓)

【相片的概念想表達什麼?】

面前的安全套都係代表我對性教育既期望,希望大眾都可以有好好既安全性行為意識。唔希望再見有人因為無知或欠缺正確性教育而受苦

【為什麼想進 Sally Coco ?】

想係成人用品商店到番工係因為一篇文,篇文內容係個成人用品店員分享店內經歷,入面講到遇過點既人,會點樣應對。當時仲係未畢業,一心想做好公眾性教育,就覺得如果我可以係成人用品店內工作,咪可以接觸到有需要既人囉!不過因為唔知香港有咩成人用品店,同唔知邊一間店好,所以就一直無實際行動,直到公司網站話請人,我就馬上申請應徵喇!好多謝公司有請到我,比機會我係呢個地方做到我想做既野。我仲好記得見工個時,最後一個問題係問如果請咗我,我最想係舖頭做到啲咩?我個時係答我希望可以同客人傾計。雖然已經做咗三年,但係如果我以加再答都係一樣,我一樣好想可以同每一位客人好好咁傾計,聆聽佢地既故事,了解佢地既需要,咁先可以真正了解到大眾係需要點既性教育,性教育要點樣改善、點樣實行先係真正幫到人的性教育。

【對「性愛」有什麼看法?】

「性愛」係一把兩刃刀,可以用黎製造美好回憶,都可以係傷害人的利器

【平時如何實踐「自愛」(Self Love)】

做自己鐘意做既事,食想食既野
我覺得我唔算自愛,我仲係成日有好討厭自己,好厭棄自己既時候,真正做到 100% 自愛其實係無可能。人一定係鐘意自己好既條件,討厭大眾厭棄的部分,我心目中的自信同自愛,唔係要將自己變成100分完美的的人,而係要鐘意自己好,都係要鐘意埋自己既唔好。