【Vera 手記】 呢個「驚天地泣鬼神」嘅企劃我足足諗咗十年!籌備多時,終於可以宣佈:我哋將會推出一個性教育中心——「吟性」!
吟性將會成為我哋 Sally Coco 旗下專門推廣性教育嘅分支。我哋嘅目標唔係取代坊間已有嘅性教育機構,而係想 Fill In the Gap。
多年來接觸咁多唔同嘅人,我發現其實大家都想學多啲關於 Fun Side of Sex:除咗性知識,亦都想了解多啲增進伴侶間親密感嘅技巧。甚或乎,有啲人雖然係性生活上出現問題,但其實並未需要去到睇性治療呢一步,佢哋只需要被提點下生活上的小情趣就已經可以大大改善。而我諗,目前為止係香港都仲係未有人做嘅。
所以,我希望吟性能夠 Fill In the Gap,為任何性別嘅人提供多一個空間,去探索性愛不同嘅可能性。
喺呢個理念下,我哋會推出由 Intimate Coach 帶領嘅私人教學、適合不同群組嘅性事工作坊。首先推出嘅會係萬眾期待嘅——口愛私人教學班「口愛101」
另一樣同時推出的,就是性事諮詢服務「性事樹窿」,聆聽你情、性、愛中最隱密的心事或任何難以啟齒的需要。
而吟性 ,除咗會喺社交媒體上分享性知識之外,我哋將會推出一個網頁,去集合多年嘅性教育知識和資訊。
老老實實,呢單嘢成唔成功、將來嘅發展如何,我真係預計唔到,因為發展一個 Pleasure Center 並非我哋單方面可以做到,而係要大家一齊參予,先可以推動到呢件事,推動成個性文化既進步!
我成日都諗,點解我哋會肯做運動,為自己嘅健康儲定啲 Credit,但係性生活上我哋只會喺有事時先諗要點樣做得好啲?但係個情況去到好壞時,又點都唔肯去睇醫生呢?
如果可以係香港地開闢一個地方,比大家去學習保養性生活嘅技巧,應該會令到大家嘅性生活健康指數提升。
____
「口愛101」及「性事樹窿」現正開放報名參加
了解「口愛101 」:https://bit.ly/3AS4obc
了解「性事樹窿」:https://bit.ly/3AOmrPm
更多服務詳情請留意下一個貼文 Stay tuned🌟