【 Vulva Casting Party 】陰部召集!

以前我哋有個同事去婦科檢查
診所姑娘同佢笑笑口講一句:
「哇!你個陰唇一邊大一邊細嘅!」
連我哋講身體自愛講咗好耐嘅 Stylist
都會被無心嘅一句說話灼傷

當 AV 上嘅陰部又粉又嫩又對稱
當越來越多人為咗更「標準」更「靚」
去接受陰部整容手術又或者去尋找陰部美白產品時
我們好想停一停
一齊去認真了解自己嘅陰部

因此我哋伙拍本地手工發酵茶品牌 Taboocha 於11月尾合辦一個名為「Dear Labia」的展覽,讓大家一起認識和慶祝陰部嘅多元和美麗!

要慶祝多元,當然需要你哋參予!所以我哋將會係10月31日舉行一個展覽前熱身活動「Vulva Casting Party」,讓大家喺專業嘅指導下親手打造屬於自己嘅陰部石膏模型!而個專業指導就係畢業於美國歷史悠久藝術大學 UArts 副修調刻 Sculpting 嘅我 Vera,係又係我!

完成嘅陰部石膏模型將會喺展覽中匿名展出,為期兩週,成就香港前所未有的首個大型陰部模型展覽。完展後,就可以帶屬於自己嘅陰部模型回家。

由於疫情關係,活動將會分開兩個時段舉行,每個時段都會包括以下4個環節:

第一節:身體連結工作坊

由 Sally Coco Intimate Stylist Anna 帶領大家靜下來嘗試用心去聆聽和擁抱自己的陰部,讓你和陰部展開一次真誠嘅對話。完成後,將會有簡短問卷讓大家寫下感想,你所填寫嘅文字將會於展覽時和你的石膏模型一同匿名展出,讓每個陰部都有自己的獨白。

第二節:陰部印模製作

呢個部分將會由我 Vera 在一個私密的空間內單對單為參加者親自印模(因為自己幫自己印模是非常困難的..)過程就好像去做密蠟脫毛一樣,只係唔係脫毛,而係印模。我哋會使用美國製造皮膚安全的海藻粉調製印模,再塗抹在陰部上,待倒模定型後,便可以脫模,過程只需8-10分鐘。同一空間內會有另一位女性助手提供協助。

全程確保私密、安全和衛生!

第三節:石膏模型製作

脫模後,參加者將會學習石膏鑄模過程,在指導下親手製作出獨一無二的陰部石膏模型。

第四節:分享感受

完成製作模型後,相信大家都會有啲感受同啟發,所以在活動完結前,Stylist Anna 將會帶領一個分享環節作為總結。
———
對象:18歲以上身體結構有陰部的人 Vulva-Havers
價錢:每人 HK$500|已包括所有材料及導師費
日期:10月31日|星期日
時段:12noon-3pm 或 4pm-7pm
報名連結:https://www.sallystoy.com/hk/p/7191/vulva-casting-party
地點:The Wild Lot 中上環
名額:每時段15個

我們想透過今次「Dear Labia」的展覽讓大家及公眾對於陰部有更深認識和了解,所以希望 Vulva Casting Party 中參加者製作的陰部石膏模型能在展覽中匿名展出,提高大眾對陰部係多元又美麗的意識。展覽為期兩週,完展後,你就可以帶模型回家。

我們對於共識是非常重視的!網上報名後,你將收到電子保密同意書,簽回後才確定成功報名預留位置。如果閣下不同意於展覽中匿名展出你的陰部石膏模型,我們就會退回款項,日後我們再舉辦同類型活動而作品不用展出時,歡迎可以再次參加。