Please remember to wear a mask before entering our stores.
Our fitting rooms are reopened since 1st Oct.
Sally Coco 10周年專訪
物流部大臣 Lamlam 篇
17 Aug 2020
Aa
Aa
Aa

【Vera有話兒】

LamLam 是我人生中第一個聘請的員工,仲記得想當年我地租了第一個辦公室,在情人節之前就請咗她來幫忙。那時候我地仲會一齊係辦公室用電磁爐蒸豉汁排骨和番茄煎紅衫魚做午餐,就這樣我們便一起共事9年。有啲人,好似 Picco 咁天生就是領導材料,永遠都有啓發性的答案,帶領團隊有步驟地向前行。而我由細到大都連班長都未做過,過去9年都係摸著石頭過河的,所以 LamLam 作為我第一個員工,佢不但見證了 Sally Coco 嘅成長,亦見證我由25歲到快將34歲嘅成長。

佢一直給我嘅感覺就是一個對工作負責任、為公司著想、使命必達嘅物流台柱,就連打完8號風球,只要風勢一弱,佢就會坐最早個班車返公司整理物流嘅緊急事務。咁多年黎你地平日收到嘅包裹大部份都係 LamLam 這雙手親自包裝,每一個貼心地包得安全又靚仔。當下次再收到包裹時,希望大家記得那個 Sally Coco 貼紙嘅背後,都是 Lam Lam 嘅一份心意。

跟住落嚟就等 LamLam 自我介紹一下~

_______________

【WHO ARE YOU?】

我是 Lamlam,加入 Sally Coco 已經9年啦!也是 Vera 和 Picco 第一個聘請的員工,平日主要負責包貨和處理物流事務!

【為什麼加入這間公司? 】

其實 2011 年剛剛加入 Sally Coco 時我已經 40 歲啦,那時候都已經做左十年八載師奶,再重投搵工市場。恰巧看到 Sally Coco 要找一個熟悉物流的人才,感恩 Vera 和 Picco 給了一個機會我!做落又幾開心,所以做做下就做了9年~

【相片的概念想表達什麼? 】

本身皮膚比較敏感,如果工作太操勞就容易出現濕疹的症狀,而且包貨的紙箱好易割界傷手,所以手心都會有裂紋。平時包貨會戴手套再包,衛生啲又可以保護雙手。其實平時都不是很想展露自己對手,因為自己覺得傷痕不太靚仔,但是在 Vera 的鼓勵之下就讓大家看看努力包貨比大家的一對手吧。

【對「性愛」有什麼看法? 】

愛好重要,性就無所謂,最緊要開心!

【平時如何實踐「自愛」(Self Love) 】

上班的日子節奏很快,所以放假時就會回復慢生活。如果要對自己好一點的時候,我會與家人一齊去按摩或者吃美味的食物!去旅行就更好 !

Related Stories



© 2010-2020 Sally's Toy - Redefining Sex Toys, Sex Shops