Please remember to wear a mask before entering our stores.
Our fitting rooms are reopened since 1st Oct.
Sally Coco 10周年專訪
內衣專家 Miss Snow 篇
19 Aug 2020
Aa
Aa
Aa

【Vera 有話兒】

想當年中環鋪開咗半年左右,愈來愈多人問我哋有無內衣賣,我自問對內衣 fashion 呢家野亳無認識,只知道既然我採購玩具都咁有要求,若果真喺要賣內衣,都要賣高質素的!當時我仲喺自己一個人睇鋪,想請個兼職來幫吓手,等 Picco 同我可以休息一兩日去拍下拖。個次的召募幸運地就遇到 Miss Snow!

Miss Snow 喺外國修讀內衣設計,在學期間亦喺高級百貨公司嘅內衣部打工。請佢嘅時候我問佢,你想唔想同我哋一齊打造 Sally Coco 嘅內衣 Collection? 佢話好!於是佢就慢慢做,兼職一段日子後再轉做全職,一做就做咗 6年半。咁多年來佢都會去到歐洲同不同嘅內衣設計師見面,將性感又高汁嘅內衣品牌引進香港,塑造出今時今日 Sally Coco 嘅內衣系列。響我眼中,Miss Snow 對於客人需要乜嘢內衣、有乜嘢款式質料嘅要求、乜嘢剪裁適合乜嘢身型,就連乜嘢內褲著得男生自信又有型都非常有獨特觸覺!

令人著起來充滿自信嘅內衣係 Sally Coco 嘅靈魂之一,而呢個靈魂嘅背後就喺 Miss Snow 希望啓發香港人欣賞自己身體嘅一份心意。

跟住落嚟就等 Miss Snow 自我介紹一下~

_________

【WHO ARE YOU?】

認真地慢活的 Miss Snow ~細看這世界美麗的聚點 把他們帶到懂得欣賞他們的人面前

【相片的概念想表達什麼?】

Don’t be afraid of your inner desire. Let your hidden-self shine and embrace it. No shame to lube!!

【為什麼想進這間公司?】

第一次去到 Sallycoco 店見工時,我沒有想過這間公司是那麼有靈魂。一入到店舖看到裝潢,就很喜歡這間公司給我的感覺~同埋呢間公司入面的每個人都好有衝勁同才能!在每一位同事身上,都可以看到不一樣的東西繼續學習。

【對「性愛」有什麼看法?】

好似食飯一樣想食就食!唔想食就唔食!鍾意食就食,唔鍾意食就唔食!好似鍾意薯條點雪糕咁食 ,又或者唔鍾意撈埋一齊食,你鐘意點食就點食,亦都冇人迫到你食,所以你都唔好逼人食。

【平時如何實踐「自愛」(Self Love)】

我一直好努力地自愛,例如:食好啲、瞓好啲、盡情shopping,盡量隨心去做自己喜歡嘅事情,同埋經常換一個角度去看事物,調節心態。但係如何自律地自愛,我仲喺度摸索緊。 我相信自愛係一生人的課程,在每個人生不同的階段,會有不一樣的方法去自愛。自愛就好似減肥keep fit,你知道你需要或者希望去做,但永遠開咗個頭或者做到一半又遺忘咗嘅東西,之後你又會記得番又再努力去做。

Related Stories



© 2010-2020 Sally's Toy - Redefining Sex Toys, Sex Shops