Please remember to wear a mask before entering our stores.
Our fitting rooms are reopened since 1st Oct.
Sally Coco 10周年專訪
一個自信的毒L 小旋風篇
25 Aug 2020
Aa
Aa
Aa

【Vera 有話兒】

我會用禾稈冚珍珠來形容兩三年前寫千字文著人字拖嚟見工嘅小旋風。好多人都唔明點解我會請佢,但我就莫名其妙地覺得個對人字拖嘅背後喺一粒等待被發掘嘅寶石。佢將 Sally Coco 嘅 Social Media 同 Website Content 打理得發光發亮,我相信你哋都有目共睹,所以我都唔多花太多篇幅去讚揚佢係呢方面的才幹。反而我想講平常大家睇唔到嘅小旋風到底係點樣嘅。

佢由一個原本同客人傾談都會覺得怕羞同不知所措嘅小薯,到今時今日無論對住客人或合作伙伴都能自信自在地對談,簡直就係一個大躍進!面對自己 comfort zone 以外嘅事情,好多人都是會選擇逃避,但咁多年嚟小旋風卻不斷嘗試,突破舒適圈裝備自己追求進步,老娘我睇到都覺得感動。

小旋風最出色嘅地方在於佢能夠睇到其他人嘅優點同才能,而且知道點樣個性化地鼓勵對方同佢合作一齊去完成計劃。而且佢睇事情嘅角度亦好宏觀同長遠,呢種大將之風係職場上係好難得嘅。我深信呢個係中大山城碌落嚟嘅小女孩將來必成大器,就算走到天涯海角都能衝出自己嘅一遍天。講咗咁耐呢個故事嘅喻意係,各位老細下次 in 人時不妨 look beyond the look,因為人字拖嘅背後,可能你會搵到另一個不辭勞苦心繫公司嘅小旋風。

以下讓小旋風來自我介紹一下~

___

【WHO ARE YOU?】

一個打字好過講野的毒撚。以前會踢拖返工,現在人大了成熟了會穿好鞋先返工。

【相片的概念想表達什麼?】

性暗示手勢,可以很低俗,也可以很優雅。大俗也大雅,也是我在 Sally Coco 想呈現的東西。

【為什麼想進這間公司?】

在大學時讀過性/別課程,對性教育非常有興趣,希望可以有趣地做性教育。

【對「性愛」有什麼看法?】

很老實地說,性愛是一件需要經營的事情。如果食飯下下都食同一款番茄炒蛋都會悶,性愛也如是,如果每次都是同一個姿勢就會好悶。有時燘下牛肉玩下SM,有時食下甜品玩下玩具,餐飯會開心好多。

【平時如何實踐「自愛」(Self Love)】

雖然好似好自戀,通常起身之後我會在鏡前讚下自己,有時讚自己靚咗,有時就讚自己在這時勢中可以多活一天,已經不錯。

另外就是訓多啲覺,見字飲水。

Related Stories



© 2010-2020 Sally's Toy - Redefining Sex Toys, Sex Shops